मंसिर ३०, काठमाडौँ
। आज योमरी
पूर्णिमा नेवार समुदायले नयाँ धान भित्र्याएको खुसीयालीमा मनाउने पर्व । यस पर्वलाई
नेवार समुदायले हर्षोल्लासका साथ मनाउँदैछन् । योमरी पूर्णिमा मार्गशीर्ष शुक्ल
पूर्णिमाका दिनमा मनाइने गरिन्छ भने यसलाई योमरी पुन्हि पनि भन्ने गरिन्छ ।
यो पर्वलाई
नेवार समुदायको ठूलो चाडका रूपमा लिइन्छ । यस चाडलाई खाद्य पदार्थको रसिलो चाडका
रूपमा मनाइन्छ । आजको दिन बनाइने योमरी नयाँ धानबाट बनेको चामलको पीठो, चाकु र तिलबाट बनाइन्छ ।
आज बिहान
सबेरैदेखि योमरी बनाउन घरका महिला व्यस्त हुने गर्छन् । आजको दिन सबेरै नुहाइधुवाइ
सकेर घरमा लिपपोत गरेर योमरी पकाउने प्रचलन रहेको छ ।
संस्कृतिविद्हरुका
अनुसार यो पर्वलाई नेवार समुदायले नवअन्नप्राशनका रूपमा मनाउने गर्दछन ।
- न्युज बहार संवाददाता
