जेठ १०, काठमाडौँ
। आज २५६८ औँ बुद्ध जयन्ती । प्रत्येक वर्ष विश्वमा शान्तिका अग्रदूतका रूपमा परिचित
सिद्धार्थ गौतमको जन्म जयन्ती आज अर्थात
वैशाख
शुक्ल पूर्णिमाका दिन मनाइन्छ ।
यो पर्व विश्व
शान्ति स्थापनाका लागि सिद्धार्थ गौतमले पुर्याएको योगदानको स्मरण स्वरूप मनाउने
गरिएको हो । नेपाललगायत विश्वका बौद्ध धर्मावलम्बीले वैशाख शुक्ल पूर्णिमाकै
तिथिमा बुद्धको जन्म, ज्ञान
प्राप्ति र मृत्यु पनि परेकाले यस दिन बुद्धप्रति भावपूर्ण श्रद्धा र
भक्तिले बुद्धजयन्ती मनाउने गर्दछन् ।
आज बौद्ध
धर्मावलम्बीले गुम्बा, चैत्य, विहारलगायत स्थलमा लामा एवं
बौद्ध धर्मगुरु बसेर परम्परादेखि हुँदै आएको पूजालगायत विधि पूरा गर्ने गर्दछन । सरकारले
आम मानिसलाई बेलुकी घरमा दीपावली गरेर बुद्ध जयन्ती मनाउन आह्वान गरेको छ ।
- न्युज बहार संवाददाता
