साउन ९, काठमाडौँ । शङ्खमुलमा भइरहेको धार्मिक महोत्सवमा काठमाडौँ महानगरपालिकाले अवरोध गरेको छ । काठमाडौँ महानगरपालिकाले शङ्खमुलको दोभानमा सञ्चालन भइरहेको ‘प्रथम शङ्खमुल तीर्थ श्रावणी महोत्सव’ मा अवरोध गरेको हो ।
महानगर नगर प्रहरीको टोली सार्वजनिक स्थलमा अनुमति विना धार्मिक महोत्सव सञ्चालन गरेको सूचनाको आधारमा शङ्खमुल पुगेको थियो ।
महानगर प्रहरी उपरीक्षक दिनेश अर्यालले अनुमति विना सार्वजनिक स्थानमा हो–हल्ला हुनेगरी धार्मिक कार्यक्रम भइरहेको भन्ने गुनासो आएपछि कार्यक्रम नगर्न आयोजकलाई निर्देशन दिइएको जानकारी दिएका छन ।
तर आयोजकले वडा कार्यालयमार्फत अनुमति लिएरै भएपनि धार्मिक महोत्सवलाई निरन्तरता दिने अडान राखेर अनुमति लिन वडा कार्यालयमा गएपछि महानगरको टोली फर्किएको छ ।
- न्युज बहार संवाददाता
