भदौ ३, भोजपुर । धार्मिक तथा पर्यटकीयस्थल समेत रहेको नागछाँगाको प्रवर्द्धनका लागि मेला लगाइने भएको छ । भोजपुरको रामप्रसादराई गाउँपालिकामा रहेको धार्मिक तथा पर्यटकीयस्थल नागछाँगाको प्रवर्द्धनका लागि मेला लगाइने निर्णय गरिएको हो । अनौठो प्राकृतिक स्वरुप रहेको यो स्थान पर्याप्त प्रचार–प्रसार नहुँदा ओझेलमा परेको छ ।
गाउँपालिकाको वडा नं २ धोद्लेखानी र वडा नं ६ को सिमनामा पर्ने यो स्थानमा यसको प्रवर्द्धन गर्नका लागि मेला लगाउन लागिएको हो । यही भदौ ४ गते नाग पञ्चमीका दिन यस स्थानमा मेलाको आयोजना गरिएको छ।
रामप्रसादराई गाउँपालिका–६ का वडाध्यक्ष एकराज आचर्यले प्रत्येक वर्षको नागपञ्चमीका दिन मेला लगाउने निर्णयसहित यो वर्षको लागि मेलाको तयारी गरिएको जानकारी दिएका छन । वडाध्यक्ष आचार्यको भनाइ अनुसार यहाँका दुई वडालाई समेटेर नागछाँगा संरक्षण एवं मेला व्यवस्थापन समिति गठन गरिने छ ।
- न्युज बहार संवाददाता
