भदौं १८, पर्वत । पर्यटक प्रवर्द्धन गर्ने उद्देश्यले पर्वत जिल्लाको कुश्मा नगरपालिका–१२ ठूलीपोखरीस्थित धार्मिक एवं पर्यटकीयस्थल बाटुलेचौरमा पर्यटन पूर्वाधार थप गरिएको छ । 

बाटुलेचौरमा पछिल्लो समय आन्तरिक तथा बाह्य पर्यटकका साथै भक्तजनहरुको संख्या बढ्दै गएको छ । बाटुलेचौर आकर्षणको केन्द्र बन्दै गएको हुनाले गत आर्थिक वर्षमा स्थानीय सरकारको र सङ्घीय प्रदेश सरकारको सहयोगमा र पूर्वाधार थप गरिएको हो । 

मन्दिर क्षेत्र विकास संस्थाका अध्यक्ष गणेश पौडेलका अनुसार कालीका भगवती मन्दिर र शिवको विशाल मूर्ति रहेको बाटुलेचौरमा आउने धार्मिक पर्यटकको सहजताका साथै मन्दिर परिसरलाई थप आकर्षक बनाउन पूर्वाधार निर्माण गरिएको हो भने मन्दिर परिसरमा बरपीपलका चौतारी पनि निर्माण गरिएको छ । 

अहिले मन्दिर परिसरमा एक सय २४ वटा चौतारी रहेको छ । स्थानीय र छिमेकी जिल्लाबाट दर्शनार्थीहरु शनित्रयोदशीमा एक सय आठ पीपल चौतारी घुम्न र पूजा गर्न आउने गरेका छन ।  त्यसैगरी नागरिक दिवा केन्द्र पनि निर्माण गरिएको छ ।

• न्युज बहार संवाददाता