भदौ २७, काठमाडौँ
। काठमाडौँ महानगरपालिका १८ किलागलमा इन्द्रजात्राको सुरुवातसँगै नाचिने पौराणिक नाच दी प्याखं अर्थात
देवी नाचको सुरुवात भएको छ । ‘पिदने’ नामको तेस्रो पूजा गरेर कायअष्टमीका
दिन मुकुट, मुकुन्डो, घुँघुरा र पोसाकसहितको नृत्य
गरिएको हो ।
पहिलो
पूजा श्रावण शुल्क चौथीका दिन गरेर नृत्य प्रशिक्षण सुरु गरिने गरिन्छ भने भाद्र शुक्ल चतुर्थीका दिन दोस्रो पूजा गर्ने
गरिन्छ जुन प्रकृयालाई ‘घँगलासि’ भनिन्छ । यसमा पात्रहरूलाई दैवी
शक्ति प्राप्त होस् भनेर पूजा गर्ने गरिएको छ ।
यस नाचले असत्य माथि सधै सत्यको जीत हुन्छ भन्ने सन्देश दिने गरेको छ । अन्य परम्परागत नाचहरूमा दैत्यको वध गरेको देखाइन्छ भने यस नाचमा पराजित दैत्य भागेको देखाइन्छ। अन्य नाचमा बलि चढाउने गरिन्छ भने यस नाचमा त्यस्तो बलि दिइदैँन । यस नाचलाई शान्त नाचको रूपमा पनि लिइने गरिन्छ ।
- न्युज बहार संवाददाता
