फागुन ११, काठमाडौँ। प्रधानमन्त्री
पुष्पकमल दाहाल ‘प्रचण्ड’ले आइसिसी विश्वकप लिगका विजेता खेलाडीलाई प्रतिव्यक्ति दुई लाख रूपैयाँ
पुरस्कार दिने घोषणा गरेका छन् । बुधबार दिउँसो बालुवाटार बोलाएर विजेता
खेलाडीहरूलाई प्रधानमन्त्रीले बधाइ दिनुका साथै पुरस्कारसमेत दिने घोषणा गरेका
हुन् ।
खेलाडीहरूलाई बधाइ दिँदै प्रधानमन्त्री दाहालले भने, ‘सर्वप्रथम इतिहास रच्नुभएकोमा
तपाईहरूलाई बधाइ छ। तपाईहरूले नयाँ रेकर्ड बनाउनुभएको छ, इतिहास रच्नुभएको छ। चार खेलमा चारै वटामा विजय हासिल गरेर क्लिनस्वीप
गर्नुभएको छ। यो देशको लागी गौरवको विषय हो ।” प्रधानमन्त्रीले दाहालले विजेता
खेलाडीहरुले देशको गौरव र प्रतिष्ठा बढाएको बताएका छन ।
प्रधानमन्त्री अगाडि भने, “तपाईको कारण देशकै गौरव र प्रतिष्ठा
बढेको छ। म सबै नेपालीहरूको तर्फबाट तपाईहरूलाई हार्दिक बधाइ ज्ञापन गर्दछु ।
तपाईहरूलाई फेरि पनि सफलता मिलोस्। आउने प्रतिस्पर्धाका लागि शुभकामना छ।
तपाईहरूलाई प्रेरणा मिलोस् भनेर मैले नेपाल सरकारको तर्फबाट प्रतिखेलाडी २ लाख
पुरस्कार दिने घोषणा गरेको छु।”
