चैत १८, काठमाडौँ । आईपीएल २०२४ को हिजो राती भएको खेलमा लखनउ सुपर जायन्ट्सले पञ्जाब किंग्सलाई २१ रनले पराजित गरेको छ । लखनउका मयंक यादवले आफ्नो डेब्यू खेलमा उत्कृष्ट प्रदर्शन गरेपछि लखनउले प्रस्तुत गरेको २ सय रनको लक्ष्य पछ्याउने क्रममा पञ्जाबले निर्धारित २० ओभरमा ५ विकेटको क्षतिमा १ सय ७८ रन मात्र बनाउन सफल भयो ।
पञ्जाबका तर्फबाट ओनपनरद्वय कप्तान शिखर धिवन र जोनी बेयर्स्टोले उत्कृष्ट सुरुवात दिलाउनुका बाबजुद पञ्जाब किंग्स २१ रनले पराजित हुन पुग्यो । दुवै ओनपनरले पहिलो विकेटका लागि शतकीय साझेदारी गरेका थिए ।
लखनउले यसअघि पहिले ब्याटिङ गरी निर्धारित २० ओभरमा ८ विकेटको क्षतिमा १ सय ९९ रनको योगफल बनाएको थियो । ओपनर क्विन्टन डी ककले लखनउका लागि सर्वाधिक ५४ रन बनाएका थिए ।
- न्युज बहार संवाददाता
