असोज ३, काठमाडौँ । लेजेन्ड्स खेलाडी
क्रिस गेल र शाहिद अफ्रिदीलाई नेपालका युवा अलराउण्डर गुलसन झाले पछी पारेका छन ।
उनले यी दुई लेजेन्ड्स खेलाडीलाई पछि पार्दै विश्व कीर्तिमान कायम गरेका हुन ।
गुलसनले आईसीसी
विश्वकप लिग–२ मा ओमानविरुद्धको
खेलमा पाँच विकेट लिनुको साथै ५० माथि रन बनाउँदै ओडीआईमा कम उमेरमा यो सफलता हात पार्ने
कीर्तिमान बनाएका छन ।
उनले उक्त
सफलता १८ वर्ष २१४ दिनमा हात पारेका हुन । यसअघि यो किर्तीमानी सन् २००० मा
पाकिस्तानका अब्दुल रजाकले २० वर्ष ५० दिनमा भारतविरुद्ध बनाएका थिए। त्यसपछी पाकिस्तानकै
शाहिद अफ्रिदीले २० वर्ष २४० दिनमा सन २००० मा इंग्ल्यान्डविरुद्ध उक्त सफलता हात
पारेका थिए । त्यस्तै सन २००३ मा २३ वर्ष २५३ दिनमा वेस्टइण्डिजका क्रिस गेलले अष्ट्रेलियाविरुद्ध
तथा २०२३ मा २३ वर्ष २३३ दिनमा नेदरल्यान्ड्सका बास डि लिडेले स्कटल्यान्डमा एकै
ओडीआई खेलमा ५ विकेट लिनुको साथै ५० माथि रन बनाएका थिए ।
लिग–२ मा एकै खेलमा ५ विकेट र ५०
माथि रन बनाउने गुलसन पहिलो खेलाडी पनि बनेका छन् भने यसका साथै उनी ओडीआई
इतिहासमा एकै खेलमा ५ विकेट र ५० माथि रन बनाउने विश्वकै २४ औं खेलाडी बन्न सफल
भएका छन ।
- न्युज बहार संवाददाता
