चैत १०, काठमाडौं । विश्व विजेता अर्जेन्टिनाले शुक्रबार बिहान मैत्रीपूर्ण खेलमा पानमालाई २–० ले पराजित गरेको छ । यस खेलमा जित सँगै लिओनल मेसीले आफ्नो करियरको ८ सयौं गोल पूरा गरेका छन।
अर्जेन्टिनाले गत डिसेम्बरमा कतारमा भएको विश्वकप उपाधि जितेपछि खेलेको यो पहिलो खेल हो।
अर्जेन्टिनाका लागि मेसी र युवा खेलाडी थिएगो अल्मडाले घरेलु मैदान ब्युनर्स आयर्समा भएको खेलमा गोल गरेका थिए। अल्माडाले ७८औं मिनेटमा गोल गर्दै अग्रता दिलाएका थिए भने मेसीले ८९ औं मिनेटमा फ्रिकिकबाट गोल गर्दै अर्जेन्टिनाको जित पक्का गरेका हुन।
यो गोल अर्जेन्टिनाको राष्ट्रिय टिमका लागि मेसीको ९९औं गोल हो । उनले क्लब लेभलमा कूल ७०१ गोल गरेका छन् ।
- न्युज बहार संवाददाता
