जेठ ३०, काठमाडौँ । सोमबार बेलुका दयाहाङ राई स्टारर ‘नीरफूल’को विशेष शो आयोजना गरिएको थियो। यस विशेष शोमा राजनीतिज्ञदेखि कलाकारसम्म सहभागी भएका थिए । अभिनेत्री करिश्मा मानन्धर देखि एमाले नेता भीम रावललगायतले फिल्म हेरेका थीए ।
नेता रावलले फिल्म हेरेपछि यसले आफूलाई भुटानी शरणार्थी प्रकरणको याद दिलाएको प्रतिक्रिया दिएका छन ।
नेता रावलले भने ‘नीरफूलले एकैचोटी धेरै सन्देश दिएको छ । हाम्रो देशको प्राकृतिक सुन्दरतालाई अगाडि ल्याएको छ, भूकम्पजस्ता प्राकृतिक विपत्तिको बेलामा जनतालाई सेवा गर्नुपर्ने कतिपय व्यक्ति र निकायले कसरी गलत तरिकाले फाइदा उठाउन खोज्दा रहेछन् भन्ने कुरालाई पनि अघि ल्याएको छ, यो फिल्म हेर्दा मलाई नक्कली भुटानी शरणार्थी प्रकरणको सम्झना भयो ।’
- न्युज बहार संवाददाता
