असार २४, काठमाडौँ । नेपाली फिल्म ‘हात्तीछाप’को छायांकन आज आइतबारवाट सुरु भएको छ। सौगात मल्ल र दयाहाङ राई स्टारर फिल्म ‘हात्तीछाप’को छायांकन ललितपुर बालकुमारीमा रहेको एक ग्यारेजबाट सुरु गरिएको निर्माता किरण नेपालीले जानकारी दिएका छन । एक महिना सम्म चल्ने छायांकनको आधा भाग काठमाडौँमा र बाँकी पोखरामा गर्ने तयारी गरिएको छ।
आज पहिलो दिनको सुटिङमा दयाहाङसहित कमलमणि नेपाल, विजय बराल, सुष्मा निरौला र बुद्धि तामाङको दृश्य खिचिएको छ । सामाजिक कथावस्तुमा निर्माण हुन लागेको यो फिल्मका निर्देशक सिमोस सुनुवार हुन।
यस फिल्ममा दयाहाङ राई, सौगात मल्ल, बेनिशा हमाल, उपासना सिंह ठकुरी, बुद्धि तामाङ, राजन खतिवडा, विल्सनविक्रम राई, , प्रकाश घिमिरे पुष्कर गुरुङ, कविता आले, विनोद न्यौपाने, रविन्द्र झा लगायतका कलाकारको अभिनय रहने छ ।
- न्युज बहार संवाददाता
