जेठ २६, काठमाडौँ । नेपाल ग्रामीण चलचित्र महोत्सवको दोस्रो संस्करण सुरु भएको छ। काभ्रेको भकुण्डेबेंसीमा महोत्सव आजबाट सुरु भएको हो ।
यस ग्रामीण चलचित्र महोत्सवमा ग्रामीण कथावस्तुमा बनेका १७ फिल्मलाई फेस्टिभलमा प्रदर्शन गरिने आयोजक सेलिब्रिटी नेपाल प्रतिष्ठानले जनाएको छ । यस फेस्टिभलमा सहभागी हुन अधिकांश फिल्मकर्मीहरु अहिले त्यसतर्फ लागेका छन् ।
फेस्टिभलको पूर्वसन्ध्याका अबसरमा काठमाडौंमा प्रि-इभेन्ट आयोजना गरिएको छ, जहाँ जुरीको घोषणादेखि छनोट भएका फिल्मलाई प्रमाणपत्र समेत वितरण गरिएको छ ।
फेस्टिभलको जुरीमा फिल्म सम्पादक तथा निर्देशक रक्षा सिंह राणा, अभिनेता सुवास गजुरेल र फिल्म सम्पादक भरत रेग्मी रहेका छन् ।
- न्युज बहार संवाददाता
