भदौ १७, काठमाडौँ
। नाट्यकर्मी महासङ्घ नेपालको नयाँ नेतृत्व चयन भएको छ । मुलुकभर छरिएर रहेका
रङ्गकर्मीहरूको पेसागत सङ्गठनले नयाँ नेतृत्व चयन गरेको हो । राजेन्द्र रिमालको
अध्यक्षतामा शनिबार काठमाडौँमा सम्पन्न दोश्रो महाधिवेशनले नयाँ नेतृत्व चयन गरेको
हो ।
११ सदस्यीय केन्द्रीय कमिटीका उपाध्यक्षमा प्रवीण पुमा, सचिवमा दीपक निरौला, महासचिवमा जेवी डिसी, कोषाध्यक्षमा मञ्जु गिरी र सदस्यहरुमा दीपक आचार्य, पुरु लम्साल, पुष्पराज अवस्थी, राम केएसी र शुसिला लक्ष्मी महर्जन छानिएका छन् ।
काठमाडौँ महानगरपालिकाकी उपप्रमुख सुनिता डङ्गोलको उपस्थितिमा शनिबार महाधिवेशन भएको थियो ।
कार्यक्रममा उपप्रमुख डङ्गोलले महानगरले कला संस्कृति र सम्पदा जोगाउनका लागि नीति तथा कार्यक्रम मार्फत नै सम्बोधन गरेको बताएकी थिइन । उपप्रमुख डङ्गोलले नेपाली नाट्य क्षेत्रले सामाजिक रूपान्तरणका लागि महत्त्वपूर्ण भूमिका खेलेको उल्लेख गर्दै महानगरपालिकाले नाट्यकर्मीहरू लक्षित गरेर नै विभिन्न योजना ल्याएको जानकारी दिइएकी थिइन ।
- न्युज बहार संवाददाता
