भदौ ६, काठमाडौँ । फिल्म ‘जय हो’ आउँदो शुक्रबारबाट स्वदेश तथा विदेशभर प्रदर्शन हुदैछ । यस फिल्मले अष्ट्रेलियामा मात्र एक सय सो पाएको छ । फिल्मले अष्ट्रेलियाको तास्मानिया, क्यान्बेरा, भिक्टोरियालगायतका ८ मुख्य सहरका बिभिन्न हलमा गरेर एकसय सो पाएको हो ।
फिल्मको अहिलेसम्म एकसय सो फिक्स भएको र बढाउने प्रयासमा आफु रहेको ‘जय हो’का अष्ट्रेलिया वितरक नमस्ते इन्टरटेनमेन्टका देव कार्कीले बताएका छन । फिल्मको टिकट समेत अग्रिम बुकिङ राम्रो रहेको उनले जानकारी दिएका छन ।
यो फिल्म टेक पौरखी राईले निर्देशन गरेका हुन भने यसका निर्माता राज के अधिकारी र सुरज ल्वागन (सरकार) हुन । यस फिल्ममा सलोन बस्नेत, केकी अधिकारी, निशा अधिकारी, माओत्से गुरुङ, अर्पण थापा, सुशान्त श्रेष्ठ, सुमिन गुरुङ लगायतको अभिनय देख्न सकिन्छ ।
- न्युज बहार संवाददाता
