साउन २९, काठमाडौँ। फिल्म ‘राम नाम सत्य’को प्रदर्शन मिति घोषणा गरिएको छ । विराज भट्टको शीर्ष भूमिका रहने यस फिल्मलाई चैत २७ गते प्रदर्शनमा ल्याउने घोषणा गरिएको हो । फिल्म युनिटले प्रदर्शन मिति सहित भट्टको पहिलो झलक पनि सार्वजनिक गरेको छ ।
फिल्म छायांकन आउँदो सातादेखि सुरु हुने जनाइएको छ । आज विहिबार ललितपुरमा धार्मिक विधिअनुसार शुभसाइत पूजा आयोजना गरिएको थियो । शुभसाइत पूजा गरी छायांकन सुरु भएको जानकारी फिल्म युनिटले दिएका छन ।
फिल्मको पहिलो सार्वजनिक पोस्टरमा भट्ट क्रोधित मुद्रामा देखिएका छन् । यो फिल्ममा विराज भट्टका साथै सुशील श्रेष्ठ, दिब्या रायमाझी, सुपुष्पा भट्ट, अर्पण थापा, आयुषसिंह ठकुरी, दिनेश डीसी, खुसी कार्की, सुनिल थापा, कनिज कोइराला, रवि गिरीको अभिनय रहनेछ ।
- न्युज बहार संवाददाता
