साउन १६, काठमाडौँ । रेखा फिल्म्सले ‘उपहार’ शिर्षकमा आफ्नो नयाँ फिल्म निर्माण गर्दै छ। उक्त आगामी ‘उपहार’ फिल्मका कलाकारको ‘लाइनअप’ पूरा भएको छ ।
गत साता मिस्टर नेपाल २०२३ को उपाधि जितेका समर्पणजंग कार्की र अभिनेत्री बेनिशा हमाल फिल्ममा देखिने पक्का भएको छ।
यी दुई जनालाई कलाकारको रुपमा अनुबन्धित गरिएको निर्मात्री तथा अभिनेत्री रेखा थापाले जानकारी दिइन् ।
रेखाले बेनिशासँग आइतबार र समर्पणसँग उनी मिस्टर नेपाल घोषित हुनुअघि नै साइन भइसकेको बताएकी हुन।
यसबाहेक फिल्मको शीर्ष भूमिकामा रेखा थापा, पूजा शर्मा र मुकुन भुसाल पनि फाइनल भइसकेका छन् ।
आउँदो भदौ ७ गतेदेखि फिल्मको छायांकन सुरु हुने जनाइएको छ।
- न्युज बहार संवाददाता
