चैत १, काठमाडौँ
। उच्च अदालत पाटनले राष्ट्रिय चलचित्र पुरस्कारबारेको मुद्दामा फिल्म ‘प्रकाश’को सेन्सर पासको सक्कल प्रमाणपत्र
झिकाउने आदेश गरेको छ ।
उच्च अदालत
पाटनका न्यायाधीशद्वय धीरबहादुर चन्द र कैलाशप्रसाद सुवेदीको संयुक्त इजलासले बुधबार
‘प्रकाश’ फिल्मलाई प्रदर्शनका लागि स्वीकृति
दिए नदिएकोबारे केन्द्रीय चलचित्र जाँच समितिबाट बुझ्ने आदेश दिएका छन । साथै
दिएको भए प्रमाणित प्रतिलिपि पेश गर्न समेत आदेश दिएको छ ।
यस
मुद्दामा पक्ष र विपक्षका वकिलहरुले बहस बुधबार गरेका थिए ।
केन्द्रीय
चलचित्र जाँच समितिको विवरणमा २०७९ भदौ ५ गते ‘प्रकाश’को सेन्सर जाँच भएको देखिन्छ ।
फिल्म ‘प्रकाश’का लेखक विकास सुवेदी, निर्देशक
दिनेश राउत र फिल्म छायांकन भएको थलो जुम्लाको सिंजाका स्थानीय मीनराज
आचार्यले परमादेश माग गर्दै असोज ५ गते उच्च अदालत पाटनमा रिट दायर गरेका थिए ।
- न्युज बहार संवाददाता
