भदौ २८, काठमाडौँ । गायक तथा कलाकार प्रकाश सपुतले नेपालको पहिलो महिला प्रधानमन्त्री बनेकी सुशीला कार्कीलाई हार्दिक बधाई दिएका छन्।
सामाजिक सञ्जालमार्फत प्रतिक्रिया दिँदै
उनले हालको राजनीतिक परिवर्तन र 'जेनजी' पुस्ताले गरेको विद्रोहको प्रशंसा गर्दै
यसलाई "नयाँ युगको शुरुआत" भनेका छन्।
सपुतले आन्दोलनका क्रममा ज्यान गुमाएका
नागरिकप्रति श्रद्धाञ्जली अर्पण गर्दै घाइतेहरूको शीघ्र स्वास्थ्यलाभको कामनासमेत
गरेका छन्।
उनले लेखेका छन्, "सबैभन्दा सुन्दर कुरा भनेको ठूलो संघर्ष
र बलिदानीपछि बनेको नयाँ संविधान जस्ताको तस्तै सुरक्षित रहनु हो।"
सपुतले परिवर्तन
सम्भव बनाउने ‘जेनजी’ पुस्ताको परिपक्व सोच र निर्णय क्षमताको
प्रशंसा गर्दै भनेका छन्, “यो पुस्ताले
सोचिएभन्दा पनि बढी परिपक्वता देखायो। अघिल्ला पुस्ताको सम्मान गर्दै अघि बढ्न
सक्नु अद्भुत कुरा हो। साँच्चै रमाइलो अनुभव भयो।”
- न्युज बहार संवाददाता
