भदौ १८, काठमाडौँ । भारतिय फिल्म ‘गदर-२’ ले भारतीय बक्स अफिसमा नयाँ इतिहास रचेको छ । सन्नी देओल स्टारर यो फिल्म अहिले ५ सय करोड क्लबमा प्रवेश गरेको छ भने यसले चौथो आइतबार रेकर्ड तोड्दै भारु ७.८० करोड कलेक्सन गरेको छ।
यो सँगै फिल्मको कुल कलेक्सन ५०१ करोड भारु पुगेको छ । अब फिल्मको नजर ‘बाहुबली–२’को हिन्दी संस्करणको कलेक्सनको रेकर्ड तोड्नेतर्फ रहेको छ । भारतीय बक्स अफिसमा ‘बाहुबली २’को हिन्दी भर्सनले ५१०.९९ करोड भारु कमाएको थियो ।
२४ दिनमा ५०० करोड क्लबमा सामेल भएसँगै ‘गदर २’ सबैभन्दा छिटो ५०० करोड भारु कमाउने फिल्म पनि बनेको छ । यो फिल्म २४ दिनमा ५०० करोड क्लबमा प्रवेश गरेको हो ।
- न्युज बहार संवाददाता
