भदौ १०, काठमाडौँ । आइतबार कलाकार सानु ताम्राकारको पार्थिव शरीरलाई पशुपति आर्यघाटमा अन्त्येष्टि गरिएको छ । पशुपति आर्यघाटमा अन्त्येष्टि अगाडि उनको पार्थिव शरीरलाई श्रद्धाञ्जलीको लागि केही घण्टा राखिएको थियो । कलाकारको पार्थिव शरीरलाई शुभेच्छुक, अन्य कलाकार, आफन्त लगायत थुप्रैले श्रद्धाञ्जली दिएका छन।
उनलाई चलचित्र कलाकार संघका अध्यक्ष मोहन निरौलाले कलाकार संघको झण्डा ओढाएर अन्तिम श्रद्धाञ्जली दिए ।
७४ वर्षको उमेरमा कलाकार सानु ताम्राकारको नर्भिक अस्पतालमा शनिबार उपचारको क्रममा निधन भएको हो ।
