भदौ २९, काठमाडौँ । ९ करोडको लागतमा दीपाश्री निरौला र दीपकराज गिरीले नयाँ बानेश्वरस्थित शंखमुल रोडमा निर्माण गरेको आइइनआइ सिनेमाज् आजबाट सञ्चालनमा आएको छ । नेपाल उद्योग वाणिज्य महासंघको अध्यक्षमा चन्द्रप्रसाद ढकालले शुक्रवार आयोजित एक कार्यक्रमकाबीच रिवन काट्दै हलको शुभारम्भ गरेका हुन ।
अध्यक्ष ढकालले कार्यक्रममा बोल्दै अभिनयमा रमाइरहेका व्यक्तिले हल सञ्चालन गर्नु निकै राम्रो कार्य भएको बताएका छन । उनको धारणा अनुसार मानिसहरुलाई व्यवसायमा लाग्न कन्फिडेन्स नभएको अवस्थामा दीपक–दीपाको हलले एउटा सकारात्मक सन्देश छोडेको छ ।
कार्यक्रममा वरिष्ठ कलाकार हरिवंश आचार्य, निर्माता तथा हल व्यवसायी नरेन्द्र महर्जन, निर्देशक सम्झना रौनियार उप्रेती, निर्देशक नबल नेपाल, कलाकार निर्मल शर्मा ‘गैडा’ लगायत थुप्रै कलाकर्मीको उपस्थिति रहेको थियो ।
- न्युज बहार संवाददाता
