बैशाख २, काठमाडौँ । बलिउड अभिनेता सलमान खानको निवास
बाहिर हवाई फायरिङ भएको छ । मुम्बईस्थित अभिनेता सलमान खानको निवास बाहिर हवाई
फायरिङ भएको हो । बान्द्रामा रहेको सलमानको घर बाहिर आज आइतबार बिहान ५ बजेतिर
मोटरसाइकलमा आएको एक अज्ञात व्यक्तिले २–३ राउण्ड हवाई फायरिङ गरेर फरार
भएका जनाइएको छ । अहिले यो घटनाबारे मुम्बई प्रहरीले अनुसन्धान गरिरहेको छ ।
मुम्बई
प्रहरीका अनुसार कसले किन गोली चलायो भन्ने अनुसन्धान भइरहेको छ । लोरेन्स बिश्नोई
जेलमै भए पनि बाहिर रहेको उनको समूहले फायरिङ गरेको हुनसक्ने अनुमान प्रहरीले गरेको
छ । अहिले सलमानको सुरक्षालाई व्यवस्थालाई प्रहरीले थप बढाएको छ ।
- न्युज बहार संवाददाता
