साउन २४, काठमाडौँ । अभिनेत्री दीया पुनले किलिमन्जारोको आरोहण गर्ने भएकी छिन । अभिनेत्री दीयाले अफ्रिकाको सबैभन्दा अग्लो हिमाल किलिमन्जारोको आरोहण गर्न लागेकी हुन । उनले २७ साउनबाट उक्त हिमालको आरोहण थाल्नेछिन् ।
उनी किलिमन्जारो आरोहणका लागि अहिले अफ्रिका पुगिसकेकी छन् । ७ महादेशका अग्ला हिमाल चढ्ने लक्ष्य मध्य ५ हजार ८ सय ९५ मिटर उचाइको किलिमन्जारो चढेसँगै उनको तीन अग्ला हिमालको आरोहण सपल हुनेछ।
अघिल्लो वर्षको जेठमा दीयाले विश्वकै सबैभन्दा अग्लो हिमाल सगरमाथा र आठौँ अग्लो हिमाल मनासलु समेत सफलता पूर्वक आरोहण गरेकी थिइन् । त्यसैगरी सन् २०१८ मा अर्जेन्टिनास्थित ६ हजार ९६१ मिटर अग्लो माउन्ट अकोनकागुवाको पनि उनले आरोहण गरेसकेकी छन।
- न्युज बहार संवाददाता
