चैत १८, काठमाडौँ। नेपाली चलचित्र जगतमा पछिल्लो समय प्रदीप खड्का, आर्यन सिग्देल र पल शाह तीन नायकको अभिनय रहेको चलचित्र ‘पुजार सार्की’को चर्चा राम्रै भइरहेको छ । ‘पुजार सार्की’ निर्देशक दिनेश राउतले यसै चर्चाबिच यस फिल्ममा अभिनेता पल शाहको पात्र चिनाउने फोटो सार्वजनिक गरेका छन् । यसअघि नै पुजार सार्कीमा प्रदीप खड्का र आर्यन सिग्देलको पात्र कस्तो हुन्छ भन्ने सार्वजनिक भइसकेको छ ।
पलको नाम ‘मेघराज खत्री’ रहेको जनाउँदै निर्देशक राउतले पात्रको परिचय दिने फोटो सार्वजनिक गरेका हुन । सार्वजनिक फोटोमा शाह काँधमा बन्दुक बोकेर नदी किनारामा हिँडिरहेका देख्न सकिन्छ।
उनले शिरमा भादगाउँले टोपी लगाएका छन भने बाहुला नभएको कोट, कमिज र पाइन्ट लगाएको देखिएको छ ।
यो चलचित्रमा जातीय विभेद विरुद्ध समाजका तीन पात्रहरूले गर्ने साझा सङ्घर्षको कथा रहेको निर्देशक राउतले बताउँदै आएका छन् ।
- न्युज बहार संवाददाता
