असोज १६, गलकोट । ढोरपाटन सिकार आरक्ष नेपालको एकमात्र सिकार आरक्ष क्षेत्र हो । यस आरक्ष क्षेत्रमा यस वर्षको पहिलो सिकारयाम सुरु भएको छ ।
वन्यजन्तु संरक्षण तथा राष्ट्रिय निकुञ्ज विभागले पहिलो सिकारयाम असोज–मङ्सिरका लागि चार झारल र आठ नाउरको सिकार गर्न अनुमति दिएको छ । यस्तै आठ बँदेलका लागी पनि सिकार आरक्षले सिकार खेल्न अनुमति प्रदान गरेको हो ।
यस वर्षको पहिलो सिकारयाम सुरु भएको ढोरपाटन सिकार आरक्ष कार्यालयका सूचना अधिकारी तथा संरक्षण अधिकृत अविनाश थापामगरले बताएका छन ।
अनुमति पाएका सिकारीले झारल, नाउर
र बँदेल सिकार गर्न यही असोज १७
गतेदेखि मङ्सिरको पहिलो सातासम्म आरक्ष खुला गरिएको थापामगरले बताए ।
- न्युज बहार संवाददाता
