असार २८, काठमाडौँ । जिउँदो ब्रोइलर कुखुराको मासुको मूल्य पछिल्लो तीन दिनमा किलोमा २० रुपैयाँले घटेको छ ।
राष्ट्रिय कुखुरा बिक्री व्यवसायी संघले २५ असारमा किलोमा १० रुपैयाँले घटेको मासुको कोल्ड स्टोर मूल्य बुधबार पुनः १० रुपैयाँले सस्तो भएको बताएको छ । घटेको मूल्य काठमाडौँ उपत्यका र यसका वरपरका क्षेत्रहरुको हो ।
संघका सचिव देवकुमार गिरीले पछिल्लो पटकको मूल्यमा आएको गिरावटले अब ब्रोइलर कुखुराको मासुको मूल्य २९० रुपैयाँ कायम भएको जानकारी दिएका छन ।
ब्रोइलर कुखुराको कोल्ड स्टोर मूल्य यसअघि ३१० रुपैयाँसम्म पुगेको थियो ।
- न्युज बहार संवाददाता
