फागुन ८,
काठमाडौँ । ७ अर्ब ५० करोड रुपैयाँको स्रोत अर्थ मन्त्रालयले चालु आर्थिक वर्षमा
आवश्यक पर्ने रासायनिक मल खरिदका लागि सुनिश्चित गरेको छ ।
अर्थ
मन्त्रालयले रासायनिक मल खरिदका लागि कृषि तथा पशुपन्छी विकास मन्त्रालयले गरेको
प्रस्तावमा सहमति जनाएको छ ।
२ अर्ब
४० करोड रुपैयाँ कृषि तथा पशुपन्छी विकास मन्त्रालयका लागि स्रोत सुनिश्चित गरिएको
छ भने विनियोजन गरिएको बजेटबाट व्यवस्था गरिनेछ भने २ अर्ब ५० करोड रुपैयाँ आगामी
आर्थिक वर्षको सिलिङमा समावेश गरिनेछ । २ अर्ब ६० करोड रुपैयाँ भने दायित्व
सिर्जना भएपछि निकासा गरिनेछ ।
चालु
आर्थिक वर्षका लागि रासायनिक मल खरिद गर्न १५ अर्ब रुपैयाँ विनियोजन गरिएको थियो ।
त्यस पछी रासायनिक मल खरिदका लागि अर्थ मन्त्रालयले थप १६ अर्ब रुपैयाँको स्रोत
सुनिश्चित गरेको हो । कृषि तथा पशुपन्छी विकास मन्त्रालयको माग अनुसार पुन: थप स्रोतको व्यवस्था गरिएको हो
।
उपप्रधानमन्त्री
तथा अर्थमन्त्री विष्णुप्रसाद पौडेलले रासायनिक मल खरिद र आपूर्ति व्यवस्था सहज
गर्ने सम्बन्धी पाँच दिनअघि कृषि तथा पशुपन्छी विकास मन्त्री ज्वालाकुमारी साह, कृषि विकास सचिव गोविन्दप्रसाद
शर्मा लगायतसँग छलफल गरेका थिए । सो अवसरमा उपप्रधानमन्त्री तथा अर्थमन्त्री
पौडेलले रासायनिक मल खरिदका लागि स्रोतको समस्या नहुने बताउनुहुँदै अविलम्ब आवश्यक
प्रक्रिया सुरु गर्न आग्रह गरेका थिए ।
