असोज १८, म्याग्दी । विश्वमै दुर्लभ मानिने जङ्गली जनावर रेडपाण्डा (हाब्रे) म्याग्दीमा पहिलोपटक भेटिएको छ। रेडपाण्डा म्याग्दी जिल्ला धौलागिरि गाउँपालिका–लुलाङको जलजलास्थित जङ्गलमा भेटिएको हो । जलजलाको जङ्गलमा च्याउ सङ्कलन गर्न गएका स्थानीय सुवास थापाले रेडपाण्डाको जिल्लामै पहिलोपटक दृष्य खिचेका हुन्।
जलजलाको जङ्गलमा रेडपाण्डा भेटिएको जानकारी डिभिजन वन कार्यालय म्याग्दीका प्रमुख मनोज रानाभाटले दिएका हुन । यसअघि म्याग्दीमा दुर्लभ वन्यजन्तु रेडपाण्डा देखिएको थिएन ।
म्याग्दीको भूगोलमा पहिलो पटक रेडपाण्डा भेटिएको रेडपाण्डाको वासस्थानसम्बन्धी अनुसन्धान गर्दै आएका बद्री बरालले जानकारी दिएका छन ।
सुवास
थापाले खिचेको करिब दुई मिनेट नौ सेकेण्डको भिडियोमा लजालु स्वभाव रहेको
रेडपाण्डाले पैदल यात्रामा रहेका सर्वसाधारणलाई देखेर रमाइरहेको देख्न सकिन्छ ।
