कार्तिक २, काठमाडौँ । देशभर रहेका लम्पी स्किन संक्रमित चौपाया मध्ये ९४ प्रतिशत निको भइसकेका छन्। यस वर्ष १५ लाख ३६ हजार १८० चौपायामा लम्पी स्किन रोग देखिएको पशु विभागले जनाएको छ।
विभागले यीमध्ये १४ लाख ५३ हजार ४ सय ६४ चौपाया संक्रमणमुक्त भएको जनाएको हो ।
विभागका अनुसार चौपायाहरुलाई खोप लगाइनु र यस सम्बन्धी सचेतना कार्यक्रम प्रभावकारी भएकै कारण लम्पी स्किन रोग न्यूनीकरण भएको हो ।
५ हजार ४ सय ४१ अर्थात् ४ दशमलव २६ प्रतिशत संक्रमित चौपायाको मृत्यु भएको विभागले जनाएको छ ।
अझै पनि देशभर लम्पी स्किन रोगले १७ हजार २ सय ७५ चौपायाहरुमा संक्रमित रहेका छन् ।
- न्युज बहार संवाददाता
