जेठ ५, कैलाली । हिउँदेबाली उत्पादनमा कैलाली जिल्लामा वृद्धि भएको छ । गत वर्षको तुलनामा यस वर्ष गहुँ उत्पादनमा तीन दशमलव ४२ प्रतिशतले वृद्धि भएको कृषि ज्ञान केन्द्र कैलालीले जनाएको छ ।

कृषि ज्ञानकेन्द्र कैलालीका सूचना अधिकारी श्यामराज जोशीका अनुसार दाना लाग्ने बेला पानी परेकाले गहुँ उत्पादन वृद्धि भएको हो ।

सूचना अधिकारी जोशीका अनुसार जिल्लाभर गत वर्ष ३४ हजार पाँच सय ६५ हेक्टर क्षेत्रफलमा गहुँखेती गरिएकामा एक लाख तीन हजार चार सय ७१ मेट्रिकटन गहुँ उत्पादन भएको थियो भने यस वर्ष ३२ हजार आठ सय ४० हेक्टर क्षेत्रफलमा गहुँखेती गरिएकामा एक लाख १२ हजार तीन सय १२ मेट्रिकटन उत्पादन भएको हो ।

यसैगरी गत वर्ष नौ हजार पाँच सय चार हेक्टर क्षेत्रफलमा आठ हजार सात सय ७० मेट्रिकटन दलहन बाली उत्पादन भएको थियो  भने यो वर्ष नौ हजार पाँच सय २० हेक्टर क्षेत्रफलमा दलहनबाली लगाइएकामा १० हजार चार सय ९१ मेट्रिकटन उत्पादन भएको छ ।

अर्को तर्फ गत वर्ष १४ हजार ४१ हेक्टर क्षेत्रफलमा १३ हजार सात सय ९७ मेट्रिकटन तेलहनबाली उत्पादन भएको थियो भने यो वर्ष १४ हजार ६० हेक्टरमा तेलहनबाली लगाइएकामा १४ हजार ३२ मेट्रिकटन उत्पादन भएको कृषि ज्ञान केन्द्रले जनाएको छ। 

• न्युज बहार संवाददाता