जेठ २८, भोजपुर
। मह अहिले भोजपुर जिल्लाको नागी क्षेत्रका किसानको राम्रो आम्दानीको स्रोत बनेको
छ । यो गाउँमा एक वर्षमा व्यावसायिक मौरीपालनबाट उत्पादन भएको महबाट रु एक करोड २०
लाख बढी भित्रिएको छ ।
व्यावसायिक
रूपमा मौरीपालन गरिरहेका टेम्केमैयुङ–४ मा पर्ने यो स्थानका अधिकांश
किसानले नजिकै प्रशस्त वन क्षेत्र रहेकोले यहाँका हुँगे, चोक्ला, वाकताङ लुङ्गिनलगायतका स्थान
मौरीपालन गर्ने गरेका छन ।
स्थानीय
मौरीपालक किसान सारुहाङ राईका अनुसार अहिले स्थानियका लागि मह आम्दानीको राम्रो
स्रोत बनेको छ ।
उनले आफूले
पालेको १८ वटा आधुनिक घारमा एक पटकमा एक सय केजीसम्म मह उत्पादन हुने गरेको बताएका
छन । उनका अनुसार एक वर्षमा मौरीबाट दुईदेखि तीन पटकसम्म मह काढ्न सकिन्छ । उक्त
मह स्थानीय बजारमा प्रतिकेजी रु एक हजार पाँच सयमा बिक्री हुने गरेको छ ।
- न्युज बहार संवाददाता