कात्तिक
४, म्याग्दी । म्याग्दी जिल्लाको अन्नपूर्ण गाउँपालिका–५ मा चिया खेतीको परीक्षण सफल
भएको छ । अन्नपूर्ण गाउँपालिका–५ फलाते भन्ने ठाउँमा चियाखेतीको परीक्षण सफल भएको हो । समुद्र
सतहबाट दुई हजार चार सय ७० मिटर उचाइमा रहेको फलातेमा स्थानीय केशबहादुर गौचनले गर्नुभएको
चियाखेती सफल भएको हो ।
गौचनका
अनुसार विज्ञ र माटो विज्ञ कृषि अनुसन्धान परिषद् (नार्क)बाट ल्याएको हो भने हाइअल्टिच्युडमा
परीक्षणका लागि विज्ञले अध्ययन गरिसकेपछी धनकुटाको पाख्रीबासबाट चियाका बिरुवा
ल्याएर रोपिएको थियो । अहिले परीक्षणका लागि गरिएको
चियाखेती सफल भएको हो ।
उक्त परीक्षण
खेती सफल भएपछि अहिले फलाते आसपासका बाँझो पाखा जमिनमा चियाखेती गरेर किसानले
आम्दानी गर्न सक्ने देखिएको छ । फलातेको चिया आफन्त र बजारमा कोशेलीका रूपमा
पठाउनुका साथै अहिले म्याग्दीको पर्यटकीय स्थल शिख, घोडेपानी, घारका होटलमा समेत प्रयोग हुन थालिसकेको
छ ।
- न्युज बहार संवाददाता
