भदौ २४, ताप्लेजुङ । यस वर्ष अलैँचीको कारोबार गत वर्षभन्दा दोब्बर बढी मूल्यमा हुन थालेको छ । गत वर्षभन्दा अलैँचीको नयाँ उत्पादन बजारमा आउन थालेसँगै दोब्बर बढी मूल्यमा कारोबार हुन थालेको हो ।
नयाँ अलैँची बजारमा आउन थालेसँगै राम्रो मूल्य पाउँदा संलग्न किसान तथा व्यवसायी उत्साहित भएका छन् । हिजोआज सदरमुकाम फुङ्लिङ बजारमा नयाँ अलैँची प्रतिमन (४० किलोग्राम) रु ५६ हजारसम्ममा कारोबार भइरहेको छ । स्थानीय व्यापारीले भदौको पहिलो सातापछि बजारमा आउन थालेको अलैँचीको मूल्य गत वर्षको तुलनामा दोब्बर रहेको बताएका छन् ।
नयाँ
अलैँची प्रतिमन रु ५५ देखि ५६ हजारसम्ममा कारोबार भइरहेको अलैँची व्यवसायी सङ्घ
ताप्लेजुङका अध्यक्षसमेत रहनुभएका स्थानीय व्यापारी भद्रवीर रेग्मीले बताएका छन । गत
वर्ष यही मौसममा अर्थात् नयाँ अलैँची बजारमा आउन थाल्दा प्रतिमन रु २४ देखि २७
हजारमात्र मूल्य रहेको रेग्मी बताउँछन । मूल्य अस्थिर रहे पनि स्थानीय बजारमा
अहिले कारोबार भइरहेको अलैँचीको मूल्य धेरै राम्रो भएको उनले बताए ।
