कात्तिक १२, चितवन । अण्डाको मूल्य गत भदौ पहिलो सातादेखि घटेपछि निराश बनेका किसानलाई अहिले केही राहत मिलेको छ । अहिले अण्डाको मूल्य वृद्धि हुन थालेसँगै किसानहरु उत्साहित देखिएका छन् । किसानले अण्डाको लागत मूल्य नजिक बिक्री गर्न पाएकाले उनिहरुलाई राहत मिलेको हो ।
चितवनलाई आधार मानेर आजै सोमबारदेखि लागू हुने गरी ठूलो अण्डाको समर्थन फार्म मूल्य प्रतिक्रेट (३० वटाको) पाँच सय, मध्यम चार सय ८५ रुपैयाँ र ‘एक्सएल’पाँच सय १५ कायम गरिएको नेपाल लेयर्स कुखुरा पालक संघका अध्यक्षले जनाएका छन ।
गत साउन मसान्तमा यसअघि यही दररेटमा अण्डा बिक्री भएका थिए । तर त्यसयता भने अण्डाको मुल्य क्रमशः घटेको यो । अहिले विगत दुई सातायता क्रमशः मूल्य बढ्न थालेको छ ।
- न्युज बहार संवाददाता
