माघ २४, सिरहा । सिरहा जिल्लाको लहान नगरपालिका—२४ का किसान रतन साहले विभिन्न रङ्ग र फरक स्वादका रंगिन काउली फलाएका छन । उनको तरकारी बारीमा पहेँलो र गुलाबी रङ्गका काउली फलेको छ । यसरी रंगिन काउली फलेपछी उक्त काउली हेर्न आउनेको अहिले घुइँचो नै लागेको छ । 

उनका अनुसार वैदेशिक रोजगारीमा हुँदा इन्टरनेटमा रंगिन काउलीको फोटो देखेको र स्वदेश फर्किएपछि  भारतबाट काउलीको बीउ ल्याएर परीक्षणका लागि पाँच धुर जग्गामा लगाइएको हो । उक्त रंगिन काउलीको उत्पादन राम्रो र बजार पनि राम्रो पाएकाले आगामी दिनमा पाँच कट्ठामा तरकारी खेती विस्तार गर्ने उनले जाकारी दिए ।

उनको बारीमा फलेका रंगिन काउलीको रङ्ग सहित स्वाद पनि फरक छ ।  त्यसले गर्दा बजारमा पुर्याउनसाथ बिक्री बइहाल्ने गरेको छ । किसान साहका अनुसार यो रंगिन जातको काउलीको बीउको मूल्य अन्य जातको भन्दा करिब पाँच गुणा बढी पर्न जान्छ । उनले दुइ दिन अघि मात्र १६ किलो उक्त काउली प्रतिकिलो दुई सय  दरले बिक्री गरेका थिए। 

उनका अनुसार अहिले खेतमा रङ्गीन काउली अवलोकन गर्न आउनेको घुइँचो लागेको छ । 

• न्युज बहार संवाददाता