फागुन १७, बागलुङ ।  बागलुङ जिल्लाको जैमिनी नगरपालिकाले किसानलाइ प्रोत्साहनस्वरुप नगद अनुदान प्रदान गर्ने जनाएको छ । नगरपालिकाले नगरपालिका अन्तर्गत हलगोरु पाल्ने किसानहरुलाई १० हजार अनुदान दिने जनाएको हो । नगरपालिकाले स्थानीय स्रोत साधनको उपयोगमार्फत कृषि उत्पादनमा आत्मनिर्भर बन्न र रैथाने बालीको संरक्षणकालागि किसानलाई अनुदान दिने कार्यक्रम ल्याएको हो ।

नगरपालिकाले अनुदान कार्यक्रममा हलगोरु पाल्ने किसानलाई प्रस्ताव आह्वान समेत गरिसकेको छ । नगरपालिका पशु शाखा प्रमुख कृष्णप्रसाद ढकालका अनुसार गोरु पाल्ने र गोरुसँग खेतीपातीमा लाग्ने किसानको पहिचान गरेर प्रोत्साहन उपलव्ध गराउन लागिएको हो।

नगरपालिकाका अनुसार दश वडा रहेको नगरपालिकाभरिबाट तीन सय किसानले प्रस्ताव पेश गरेका छन भने पेश भएका प्रस्तावमध्येबाट चालु आर्थिक वर्षमा ३० जना किसानलाई जनही रु दश हजारका दरले प्रोत्सान उपलब्ध गराइने छ ।

• न्युज बहार संवाददाता