फागुन
१३, बागलुङ । बागलुङ जिल्लामा पुरानो खाद्यन्न बाली कोदोलाई ‘ब्रान्डिङ’ गरेर यसको पिठोबाट बिस्कुट
उत्पादनको कार्य सुरु गरिएको छ । बागलुङ जिल्ला काठेखोला गाउँपालिका–८ लेखानीका युवा चानसिंह
श्रीसले घरेलु उद्योगमार्फत कोदोको बिस्कुट उत्पादन गरेर बिक्री गर्न थालेका हुन्
।
युवा व्यवसायी श्रीसका अनुसार लामो
समयदेखि कोदो, आलु, मकै र जौको
बिस्कुट बनाउने अध्ययनपश्चात्
पहिलो चरणमा कोदोको बिस्कुट उत्पादन गरिएको हो
भने अब कोदोपछि आलुको बिस्कुट बजारमा पठाउने योजना रहेको छ ।
उनले विगत
सात वर्षदेखि गाउँमै उद्यम गरेर स्वरोजगार बन्ने
उदेश्यका साथ कोदोको बिस्कुट बनाउने विषयमा अध्ययन तथा अनुसन्धान गरेका थिए
। यही लामो अध्ययन तथा अनुसन्धानपछि उनले कादोको बिस्कुट उत्पादनमा सफलता हात
पारेका छन ।
उनका अनुसार उनीमा कहिले पनि जागीरको
मानसिकता थिएन र पाँच वर्ष काठमाडौँमा रेष्टुराँ
व्यवसाय गरेका उनी स्नातक
सकेको पनि जागीर खान तर्फ लागेनन । कोरोनाको समयमा गाउँ आएदेखि रेष्टुराँ
व्यवसाय बन्द भयो, र त्यपछी गाउँमै उद्योगमा उनी लागेका हुन । उनले सुरुमा रु ५० लाख
लगानीमा कोदोको बिस्कुट बजारमा पुर्याएको बताएका छन । अहिले धेरै स्थानबाट कोदोको
बिस्कुटको माग बढिरहेको र कोदोको बिस्कुटको निकै राम्रो
सम्भावना रहेको उनी बताउँछन ।
नेपालमै
पहिलोपटक युवा व्यवसायी श्रीसले कोदोको बिस्कुट बजारमा ल्याएको दाबी गरिएको छ । यो
भन्दा पहिले नेपालमा कोदोको बिस्कुट नबनेको श्रीसले जनाएका छन । गुणस्तरीय प्याकेटमा ७० ग्रामको कोदोको
बिस्कुटलाई रु २० मा उनले अहिले बजार पठाइरहेका छन ।
उनको
भनाइ अनुसार उद्योग स्थापनाका लागि गण्डकी प्रदेश सरकारले ग्रामीण साना घरेलु
उद्योग स्थापना कार्यक्रमअन्तर्गत रु १० लाख अनुदान दिएको हो ।
उनले गाउँमा
रहेको परम्परागत कच्चा पदार्थ कोदोलाई ब्रान्ड बनाउन सके कोदोको उत्पादन बढ्ने बताए ।
उनले
अहिले जिल्लाको बजारमा बिक्रीका लागि पठाइएको कोदोको बिस्कुटको माग बढेको र नमूना
बजारीकरणका लागि पोखरा र काठमाडौँको सुपर मार्केटमा समेत पठाएको बताएका छन । उनले
उत्पादन गरेको बिस्कुट खाद्य तथा गुण नियन्त्रणको कार्यालयबाट प्रमाणित भइसकेपछि
बजारमा पुगेको हो ।
अहिले उद्योगको
दैनिक ६० केजी बिस्कुट उत्पादन गर्ने क्षमता रहेको छ । उनको उद्योगमा अहिले दुई
जनालई प्रत्यक्ष रोजगारीसमेत दिइएको छ भने कृषि ज्ञान केन्द्रले कोदोको बिस्कुटको
प्याकेजिङमा सघाउने उनको भनाइ छ ।
