असार २७, काठमाडौँ । लम्पी स्किन रोगको महामारीलाई सरकारी तवरबाट रोकथाम तथा नियन्त्रण गर्न भन्दै कृषकहरुले धर्ना दिएका छन। आज पीडित किसानहरुले लम्पी स्किन रोगको महामारीमा क्षति भएका पशुचौपायहरुको उचित क्षतिपूर्तिसहितको ६ बूँदे माग राख्दै धर्ना समेत दिएका हुन।
आज बुधबार ललितपुरको हरिहरभवनस्थित पशु सेवा विभाग परिसरमा पुगेर उनीहरुले आफूहरुको माग सम्बोधन गर्न दवाव स्वरुप एक घण्टा धर्ना दिएका हुन्।
अखिल नेपाल किसान महासंघकी उपमहासचिव सरिता भुसालले पीडित किसानलाई तत्काल राहतको व्यवस्था गर्न र यो रोग तत्काल नियन्त्रण गर्न आफूहरुले सरकारलाई बाध्य बनाउने गरी आन्दोलनको कार्यक्रम सुरु गर्नु परेको बताएकी छिन ।
- न्युज बहार संवाददाता
