साउन २३, काभ्रे । काभ्रेपलाञ्चोकमा लम्पी स्किनविरुद्ध सहप्ताहव्यापी खोप अभियान सञ्चालन गरिने भएको छ । जिल्लास्थित पशु सेवा विज्ञ केन्द्र तथा भेटेरेनरी अस्पतालले छ स्थानीय तहमा बिहीबारदेखि पशुचौपायालाई सप्ताहव्यापी खोप कार्यक्रम सुरु गर्ने भएको हो ।
केन्द्रले यो एक हप्तामा छ तहमा पाँच हजार पाँच सय डोज भ्याक्सिन लगाइने जनाएको छ । नमोबुद्ध नगरपालिका, धुलिखेल नगरपालिका, खानिखोला, तेमाल, बेथान्चोक र महाभारत गाउँपालिकामा पहिलो चरणमा पाँच हजार पाँच सय पशुचौपायालाई खोप कार्यक्रम आयोजना गरिएको केन्द्रका प्रमुख डा नितेश कार्कीले बताएका छन ।
कार्कीका अनुसार जिल्लामा ३६ हजार एक सय तीन पशुलाई खोप लगाइसकिएको छ ।
- न्युज बहार संवाददाता
