साउन ७, काठमाडौँ । गत आर्थिक वर्ष २०७९/८० मा ११७ वटा वन्यजन्तु मृत भेटिएका छन। सबैभन्दा बढी ५५ वटा चित्तलको मृत्यु भएको चितवन राष्ट्रिय निकुञ्जले जनाएको छ।
मृत्यु हुने मध्ये २८ वटा चित्तलको प्राकृतिक मृत्यु भएको थियो भने २५ वटा चित्तलको कुकुरको आक्रमणद्वारा मृत्यु भएको थियो । त्यस्तै, यही एक वर्षको अवधिमा निकुञ्जमा २२ वटा गैँडाको मृत्यु भएको छ । अधिकांश गैँडाको प्राकृतिक मृत्यु भएको थियो ।
त्यस्तै १ वटा चितुवा, ३ वटा अर्ना, २ वटा हात्ती, ३ वटा गौरीगाई, २ वटा बँदेल, ३ वटा बाघ, ७ वटा जरायो, १ वटा लगुना २ वटा कछुवा लगायतका अन्य जनावरको मृत्यु भएको निकुञ्जले जानकारी दिएको छ ।
- न्युज बहार संवाददाता
