भदौ १०, काठमाडौँ । वीरगन्जमा देखिएको संक्रमण हैजा नै रहेको पुष्टि भएको छ।
देशका
विभिन्न प्रयोगशालामा गरिएका ३२ नमूनाको परीक्षणमध्ये २५ वटामा हैजा पुष्टि भएको जिल्ला
स्वास्थ्य कार्यालय पर्साले जनाएको छ।
३२ वटा
नमूना 'कल्चर' परीक्षणका लागि देशका विभिन्न प्रयोगशालामा पठाइएको र
तीमध्येबाट २५ वटामा हैजा पोजेटिभ आउनुका
साथै ७ वटाको रिपोर्ट आउन बाँकी रहेको तथा पोजेटिभ आएकोमा कोलेरा टाइप
वानको कीटाणु देखिएको जिल्ला स्वास्थ्य कार्यालय पर्साका जनस्वास्थ्य निरीक्षक
जयमोद ठाकुरले जनाएका छन।
वीरगन्जका
दुई नारायणी अस्पताल र तराई हस्पिटलबाट कुल ३२ जना बिरामीको दिसाको नमूना मधेस
प्रदेशको प्रादेशिक स्वास्थ्य निर्देशनालयको टोलीले संकलन गरेको थियो।
३२ वटा नमूना
मध्ये जनकपुरस्थित प्रादेशिक जनस्वास्थ्य प्रयोगशालामा २२ वटा र १० वटा राष्ट्रिय जनस्वास्थ्य
प्रयोगशाला टेकू, काठमाडौँमा
पठाइएको थियो।
आएका १०
मध्ये ८ वटा नमूनामा हैजा पोजेटिभ देखिएको र बाँकी दुइटा नमूना
परीक्षण क्रममै रहेको र बुधबारसम्म रिपोर्ट आउने टेकू प्रयोगशालाका चिकित्सा
प्राविधिक उपप्रमुख एवं सूचना अधिकारी सन्तोष सुवेदीले जनाएका छन।
- न्युज बहार संवाददाता
