असार २४, काठमाडौँ । सुडानमा हवाई हमला भएको छ। हवाई हमला परि २२ जनाको मृत्यु भएको हो ।
शनिबार सुडानको राजधानी खार्तुमको छिमेकी शहर ओमडुरमनको आवासीय क्षेत्रमा हवाई हमला भएको थियो । त्यहाँको स्वास्थ्य मन्त्रालयलाई उद्धृत गर्दै अलजजिराले सो हमलाबाट २२ जनाको मृत्यु भएको जनाएको छ ।
एक साताको बीचमा सुडानी सेना र एक विद्रोही अर्धसैनिक संगठन आरएसएफबीच भएको लडाइँमा यो सबैभन्दा धेरै मानवीय क्षति हो । कसले आक्रमण गर्यो भन्ने खुल्न सकेको छैन । सेना र विद्रोही संगठन दुवैले आक्रमणको दोष भने एकअर्कालाई दिइरहेका छन् ।
- न्युज बहार संवाददाता
