बैशाख २५, काठमाडौँ । भारतको केरलामा पर्यटकहरु चढेको डुंगा दुर्घटना भएको छ। डुंगा दुर्घटना हुँदा कम्तिमा २१ जनाको मृत्यु भएको छ ।
गएराति केरला मलमपुरम जिल्लाको तानुर इलाकामा थुवलथिरम समुद्री तट नजिकै डुंगा दुर्घटना भएको हो । सो डुंगामा ४० जना सवार रहेका थिए भने मृत्यु हुनेमा धेरैजसो बालबालिकाहरु रहेका छन् ।
केरला राज्यका एकजना मन्त्री वी अब्दुराहमानले छुट्टीमा घुम्न आएकाहरु दुर्घटनामा परेको र दुर्घटनास्थलबाट अहिले सम्म २१ वटा शव बाहिर निकालिएको जानकारी दिएका छन् ।
उक्त डुंगा दुर्घटनास्थलमा गएरातिदेखि आज बिहानसम्म पनि खोज तथा उद्धार कार्य जारी रहेको जानकारी भारतिय सञचारमाध्यमहरुले जनाएका छन ।
- न्युज बहार संवाददाता
