फागुन १७, काठमाडौँ । मौसम पूर्वानुमान महाशाखाले अहिले देशमा पश्चिमी वायुको सामान्य  प्रभाव रहेको जनाएको छ । यसको प्रभावले सुदूरपश्चिम प्रदेश र कर्णाली प्रदेश लगायतका पहाडी भू-भागमा आंशिक देखि सामान्य बदली रहेको  छ।

आज बुधबार दिउँसो देशको पहाडी भू-भागमा आंशिक देखि सामान्य बदली रहनेछ भने देशका पहाडी भू-भागका एक-दुई स्थानमा चट्याङसहित हल्का वर्षाको सम्भावना रहेको मौसम पुर्वानुमान महाशाखाले बताएको छ। देशका  उच्च पहाडी तथा हिमाली भू-भागका थोरै स्थानहरूमा हल्का हिमपातको सम्भावना पनि रहेको छ। 

आज बुधबार राति  गण्डकी प्रदेश,  कर्णाली प्रदेश र सुदूरपश्चिम प्रदेशका पहाडी भू-भागमा आंशिक देखि सामान्य बदली बाँकी भू-भागमा बदली देखि मौसम सामान्यतया सफा रहनेछ।  गण्डकी,  कर्णाली र सुदूरपश्चिम प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको महाशाखाले जानकारी दिएको छ।

• न्युज बहार संवाददाता