फागुन ६, काठमाडौँ । जल तथा मौसम विज्ञान विभागको मौसम पूर्वानुमान महाशाखाका अनुसार नेपालका धेरै स्थानहरुमा सोमबारदेखि बदली र वर्षाको सम्भावना रहेको छ ।
आज अर्थात आइतबार विशेष बुलेटिन जारी गर्दै महाशाखाले पश्चिमी न्यून चापीय प्रणालीको असरले वर्षा, हिमपात हुने जनाएको हो भने महाशाखाले चिसोका कारण दैनिक जनजीवनमा समेत असर पर्न सक्ने देखिएकाले आवश्यक सतर्कता अपनाउन अनुरोध गरेको छ ।
महाशाखाको विशेष बुलेटिन अनुसार सोमबारदेखि पश्चिमी न्यून चापीय प्रणालीको प्रभावका कारण नेपालको धेरै स्थानहरूमा आंशिकदेखि साधारणतया बदलीको सम्भावना रहेको छ । त्यसपछी शनिबारदेखि मात्र मौसममा केही सुधार हुने महाशाखाले जनाएको छ ।
महाशाखाले यो प्रणाली गत माघ तेस्रो साताको प्रणालीभन्दा शक्तिशाली रहेको जनाएको छ । त्यसैले माघ तेस्रो साताको भन्दा अहिले अलि बढी बादल र वर्षा हुने सम्भावना रहेको महाशाखाले जनाएको छ ।
- न्युज बहार संवाददाता
