चैत २६, काठमाडौँ । मौसम पूर्वानुमान महाशाखाले देशमा अहिले स्थानीय वायुको साथै पश्चिमी वायुको आंशिक प्रभाव रहेको जनाएको छ।
स्थानीय वायुको साथै पश्चिमी वायुको प्रभावले देशका पहाडी भू-भागको मौसम आंशिक देखि सामान्य बदली भइरहेको छ।
आज दिउँसो गण्डकी प्रदेश, कर्णाली प्रदेश र सुदूरपश्चिम प्रदेशको पहाडी भू-भागमा चट्याङ्गसहित क्षणिक वर्षाको सम्भावना रहेको छ भने अन्य प्रदेशको पहाडी भू-भागमा पनि वर्षाको सम्भावना रहेको महाशाखाले जनाएको छ।
आज आइतबार राति भने देशका पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहने पुर्वानुमान महाशाखाको रहेको छ।
- न्युज बहार संवाददाता
