फागुन
२५, काठमाडौँ । मौसम पूर्वानुमान महाशाखाले देशमा अहिले पश्चिमी वायुको सामान्य
प्रभाव रहेको जनाएको छ। यसको प्रभावले देशका पहाडी भू–भागमा आंशिक देखी सामान्य बदली रहेको
छ।
आज
दिउँसो देशका पहाडी भू–भागका एक
दुई स्थानमा चट्याङ्गसहित क्षणिक र हल्का वर्षाको सम्भावना रहेको महाशाखाले
बताएको छ। देशका उच्च पहाडी
तथा हिमाली भू–भागका एक
दुई स्थानमा हल्का
हिमपातको पनि सम्भावना रहेको छ।
आज राति
भने गण्डकी
प्रदेश, कोशी प्रदेश र कर्णाली प्रदेशका पहाडी भू–भागमा आंशिक देखी सामान्य बदली रही
बाँकी भू–भागमा
मौसम सामान्यतया सफा रहने महाशाखाले पुर्वानुमान गरेको छ। कोशी प्रदेश र गण्डकी
प्रदेशका उच्च पहाडी तथा हिमाली भू–भागका एक–दुई स्थानमा हल्का हिमपातको पनि सम्भावना
रहेको छ।
- न्युज बहार संवाददाता
