असोज ९, काठमाडौ । मुगुको ताल्चा विमानस्थलबाट नेपालगञ्ज जानकालागी १६ जना चिकित्सकहरूले समिट एअरको टिकट बुक गरेका थिए टिकट बुक गरेर पनि आज बिहान नेपालगञ्ज उड्न पाएनन्।
समिट एअरले अन्तिम समयमा सत्तारूढ नेकपा माओवादी केन्द्रका नेताहरूलाई चढाउन पर्ने र १६ मध्ये ५ जना चिकित्सकहरूलाई लैजान नसक्ने बताएर उनीहरूको ठाउँमा एअरले माओवादीका नेताहरूलाई लिएर नेपालगञ्ज उडेको थियो।
यस विषयमा माओवादीका नेताहरूले जहाज आफूहरूलाई नै लिन नेपालगञ्जबाट मुगु पुगेको दाबी गरेका छन्।
चिकित्सकहरूले अनावश्यक रूपमा 'बखेडा निकालेको' माओवादी कर्णाली प्रदेश अध्यक्ष विमला केसीले र उपमहासचिव एवं कर्णाली प्रदेश ईञ्चार्ज मातृका यादव र दाबी गरेका छन ।
उनले बिरामी र माओवादीका तीन जना नेतासहित बाँकी चिकित्सकलाई जहाजमा सँगै जान आग्रह गरेको तर चिकित्सकहरूले १६ जनामा एक जना पनि नछुट्ने भनेपछि समस्या उत्पन्न भएको बताएका छन ।
समिट एयरले मुगुको ताल्चा विमानस्थलमा छाडेका चिकित्सकहरूलाई लिन नेपाल वायु सेवा निगमको जहाज पठाइएको छ।
चिकित्सकहरूका अनुसार एजेन्टलाई पैसा बुझाएको र आजका लागि जहाजको टिकट निश्चित गरेको भनाइ छ।
समिटको जहाजले टिकट लिइसकेका चिकित्सकहरूलाई छाडेर नेपालगञ्ज विमानस्थल उडे पछी संस्कृति, पर्यटन तथा नागरिक उड्डयन मन्त्री सुदन किराँतीले चिकित्सकहरूलाई लिन नेपाल वायु सेवा निगमको जहाज पठाइएको बताएका छन ।
- न्युज बहार संवाददाता
