असोज १२, गण्डकी । नेपालमाको हिमालपारिको जिल्ला भनेर चिनिने मुस्ताङको मुक्तिनाथमा पर्यटकको चहलपहल बढ्न थालेको छ । मुक्तिनाथमा विभिन्न स्थानबाट भोलिदेखि सुरु हुने सोह्रश्राद्धका लागि दर्शनार्थी आउन थालेपछी धार्मिक पर्यटकको चहलपहल बढेको हो ।
मुक्तिनाथ मन्दिरका पुजारी कृष्णप्रसाद सुवेदीले बौद्ध तथा हिन्दू धर्मावलम्बीको साझा तीर्थस्थलका रुपमा रहेको यस मन्दिरमा सोह्रश्राद्धका समयमा पितृ उद्धारको कामनाका साथ ठूलो सङ्ख्यामा दर्शनार्थी आउने गरेको जानकारी दिएका छन ।
मनोकाङ्क्षा पूरा हुनाका साथै पितृहरूको उद्धारका लागी मुक्तिनाथमा दर्शन गर्नु पर्ने जनविश्वासका कारण यहाँको महिमा र गरिमा बढेको छ ।
- न्युज बहार संवाददाता
